الشباب والسجاير

85% من شباب البلد بيشرب سجاير ومعظمهم ألى لسه فى الثانويه وخاصه ألى بيبقوا فى سنه اولى لانهم بيعيشوا حياه غير ألى كانوا عايشينها من مدرسه داخل البلد وكل الناس عرفاه إلى مدرسه محدش يعرفه خالص ومكان هو مش معروف فيه بتبقى سهله بالنسبه ليه خالص لما يشترى سيجارة واحدة ويجربها او لما ييجى صاحبه ويقوله جرب دى انت خايف من ايه طيب ما انا بشرب اهو يا عم دى سجاره انت مش هتقدر عليها والاستاذ يشرب علشان يثبت لصحابه انه راجل وبيعمل اى حاجه و مش خايف من حد كمان
بس بجد انا لقيت معظم سنه اولى ثانوى بتشرب سجاير يعنى بنسبه 95%من جميع الشباب بتوع سن المراهقه دى سنه اولى
اما تانيه بقى مش فاضيه تبص فى الارض حتى لانها مشغوله فى الدراسه انما تعالوا بقى شفوهم اخر يوم فى الامتحانات تحسوا ان المدرسه بقت غرزة والطلابه بتشرب عادى وكلهم مع بعض
يا ريت الاهالى تاخد بالها من اولادها يا جماعه لانى شوفت ناس بتشرب عمرى ما كنت اتخيل يوم انا حتى تصاحب واحد بيشرب بس طلعوا هما كمان بيشربوا واعرف ناس بتشرب واهلها عمرهم ما مسكوا السيجاره دى ابدً

بجد والله عندك حق مفروض الاهالى تاخد بالها من اولادها كلهم بيقولوا كبروا مع انهم لسة محتاجين الرعاية

على فكرة فى ناس هتزعل منى لان فى عدد كبير قدى على المنتدى ده وهيزعل انى جبت سيره السجاير وهيفتكروا انى بتكلم عليهم

.

جزاك الله خيراااااااااا
انا بقى عايزة اقولهم فوايد التدخين

بيخليك تعرف اصدقاء كتير عشان انت كل يوم عندك دكتور

اطمن اصحابك مش هيجولك ايام الامتحانات فهتوفر الشاى والقهوى والذى منه .

- مش هتشترى برفان ولا الكلام ده انسى كفاية عليك ريحة السجاير اهو توفير .

مش هتشترى الملابس الرياضية ده انت هتكره الرياضة .

مش هتخاف من الحرامى اصله هيفتكرك صاحى طول الليل من كتر الكحة .

- اوعى تخاف ان انت تقع وانت ماشى فى الشارع ولا حاجة اصل انت هتبقى ماسك عكاز مش هتقع متخافش

لو انت طخين احمد ربنا هتخس ياراجل اصل السجاير بتسد النفس وهتوفر حق الاكل دى حتى السجاير اولى

- لو كنت بتخاف من الكلاب اطمن مش هيقربوا منك عشان هيخافوا من العكاز اللى انت ماسكه فى ايدك .

-متاخفش الحمد لله مش هتبقى عجوز اصل انت هتموت وانت صغير

الورثة بتوعك مش هيستنوا كتير عشان ياخدوا حقهم د لو كانت السجاير سابت عندك فلوس يعنى


منقول

ههههههههههههههه
يعنى دى كلها فوايد والواحد مش بيشرب
فعلاً الانسان طول ما هو عايش بيتعلم بس يا خساره انا كبرت
بقى عندى 17سمه يعنى زمن السجاير راح
مش تقولى من زمان على الفوايد دى
بس فعلاً ميرسى على المعلومات دى وربنا يهدينا جميعاً

هو بجد موووووضوع جميلة اووووووووى ورائع

بارك الله فيك

المشكلة البنات لو شربت سجاير

والله موضوع جميل بس انا مش بشرب ممكن حد يقول السبب اه ؟ وبلاش العتاب او التعليق الغير واااضح وبلاش مجمله

فعلا السجاير دى مشكلة كبيرة لازم نشوف لية حل لأن معظم الناس بيشربوا سجاير ونسأل لية بيشربوا سجاير يقولو مخنوقين وعندى مشاكل مع كل الناس هل هو الحل شرب السجاير بلا مناقشة أكيد ليس هو الحل
مع انة يقدر عندما يكون مخنوق يقوم يتوضأ ويصلى لله رب العالمين
لكى يفرج عنة الكرب ومشكلتة
الحمد لله الذى دلنى على هذا الموقع
ثم جزيل الشكر للذى بعتلى هذا الموقع

موضوعك حلو يا هشام ومش تزعل علشان مش اتصلت عليك